Bahaghari

Ano nga ba ang nasa dulo ng bahaghari? Narito nga ba ang palayok na punumpuno ng ginto? Narito nga ba ang pangakong kaginhawaan?

Ayon sa siyensya, ilusyon lang ang bahaghari. At wala talaga itong hangganan. Ngunit para sa mga batang pusong katulad ko, ang bahaghari ay isang napakamahiwagang tanawin pagkatapos ng ulan… kabigha-bighani… kahali-halina…Wala pa akong nakilalang hindi gusto ang bahaghari. Sino nga ba ang hindi namangha sa kanyang taglay na kariktan?

Ngunit, nasa dulo nga ba ng bahaghari ang palayok na puno ng ginto?

Ako, nagtagpuan ko sa bahaghari ang kaligayahan. Pinuno niya ng kulay ang aking mundo. Binigyan niya ako ng buhay, ng sigla, ng kakaibang liwanag. Sa bahaghari ko nabuo ang aking pagkatao. Hinatdan niya ako ng isang kayamanang hindi nauubos… ng kaligayahang hindi nagtatapos.

Noon ko napatunayang walang dulo ang bahaghari, walang hangganan. At wala ngang palayok na punumpuno ng ginto. Sapagkat ang yaman niyang taglay ay higit pa sa anumang materyal na bagay.

*****

Sa kanyang ganda, ako ay nabighani. Sa kanyang hiwaga, ako ay namangha. Nahuli niya ang puso ko at walang pasubaling binihag, upang hindi na kailanman pakawalan. At ako’y nagpaubaya. At bukal sa loob na nagpatali sa kaniyang tanikala...

*****

Salamat, Bahaghari sa pag-ibig na iyong hatid.

*****

A follow-up article about lesbian symbols will be posted soon ;-)

*The rainbow flag has become one of the most widely used and recognized symbols of the gay pride movement. The concept of the rainbow is hardly a new one. Rainbows have used since ancient times in all kinds of cultures- Greek, African, Native American and Celtic, to name only a few. Even Jesse Jackson's Rainbow Coalition has made use of the rainbow has a freedom symbol.