another (bad)trip

Thursday, October 21, my crew, Xtian and I had to go back to Negros for another shoot. but this time, hindi na sa Bacolod kundi sa Dumaguete naman. so ayun, ginawa namin Quiapo ang Negros - matapos pumunta sa Occidental mula Sabado hanggang Martes, Oriental naman sa Huwebes! waaaaaaaaaa!!! kala nyo masaya???

i had to rush transcribing my tapes pagdating ko ng Martes ng gabi sa office. potakte talaga! walang pahinga kung walang pahinga! sa lagay na yun, nagsuka pako at hilo-hilo galing sa byahe nung hapon. sanay nako sumakay ng eroplano (maigas! panong hindi???) at barko/bangka/pumpboat/and what-have-you's pero hindi ko alam kung bakit talaga nakisabay ang sama ng pakiramdam ko noon. sa eroplano pa lang, nararamdaman ko nang may lalabas sa bibig ko any monument. hinanda na nga ni Xtian ung motion discomfort bag. hehe.

Tuesday night, wala nakong maayos na tulog. nilalagnat nako. Wednesday night, wala pa rin kahit sandaling idlip. natapos akong mag-edit pasado alas-7 na ng gabi. inayos ko pa ang graphix ng script ko at mga ilan pang ani-anik bago ako umalis ng office. at sa lagay na yun, flight namin nang alas-5 ng umaga ng Huwebes! at hindi pako nag-iimpake ulit!

nakauwi ako sa apartment pasado alas-10 na. tapos, nag-impake nako. sa mga ganitong pagkakataon, mararamdaman mo ang halaga ng may special someone ka para tumulong at umalalay sayo. sa pagkakataong yun, naramdaman ko ang halaga ng may tumutulong sa pag-iimpake ko. sigh... (thought bubble: "utusan? yaya?" *loughing out loud*)

Thursday, October 21

** nag-dolphin-watching kami sa Bais Bay. mejo malas-malas nga lang at mailap ang mga dolphins nung oras na yun. nagpakita naman sila samin pero sobrang malayo. hindi sila nakipaglaro sa bangka namin tulad nang inaasahan (well, as they always do everytime may dolphin-watching sila dito). magtatanghali na kasi kaya ayaw na nilang lumitaw masyado sa tubig. mataas na kasi ang sikat ng araw at mainit. sayang... :(

** after, nagpunta kami sa sandbar sa gitna ng Bais Bay. ang ganda dito. napakalinis ng tubig, even cleaner than the water sa sandbar sa Boracay (sabi ng guides). sarap sanang magswim kaya lang, masyado kaming minamadali ng mga kasama namin.

ito ang hirap kapag may sponsor ang shoot eh. at may sarili silang itinerary. minamadali kami sa mga shoot namin. kainis! grrr!!!

** next destinations: St. Paul College (1st ever St. Paul sa buong bansa), Siliman University (sa wakas, yun pala yun! lagi kong naririnig eh. kala ko nga dati, part ng UP system [pano katunog ng "Diliman".. bwahahaha! *bobo mode*]), at Foundation University sa Dumaguete City. ang daming universities dito sa Dumaguete, in fairness. kaya nga daw tinawag na "University Town" itong Dumaguete.

Friday, October 22

** nanood kaming Buglasan Festival sa gymnasium chorva nila. in fairness, mas nagustuhan ko sya kesa dun sa Masskara festival ng Bacolod.

** after manood ng competition, tinakbo namin pabalik ang Bais City (which is an hour away from Dumaguete. tapos flight namin pabalik sa Manila eh 2:25pm. at pasado alas-10 na noon, so gudlak!). may kelangan pa kasi kaming i-shoot na hindi namin nagawa nung Huwebes dahil sa pagmamadali samin. binalikan namin yung watchtower nila doon. kahit ngarag, mejo worth the hassle naman kasi ang ganda ng view from there. tanaw na tanaw ang buong Bais Bay pati yung sandbar. ganda....

** pinilit pa kaming mananghalian ni bais Mayor sa kanila. sige, sige... sabi namin eat and run na lang dahil nga mag-aaala-una na nun at flight namin ng 2:25pm! buti naman at cool si Mayor. may pabaon pang danggit! hehe.

** at tulad ng sabi ni Mayor, hindi daw kami male-late kasi late ang Air Philippines ever. at hindi nga sya nagkamali! dumating kami sa airport a few minutes after 2pm at ni wala pa nga yung eroplanong sasakyan namin! haha... hay naku... go Cebu Pacific!

hmm... bakit nga ba badtrip din ang byaheng ito? well, for one... hindi masyadong happy ang mga nagpakitang dolphins. tapos mejo kainis pa yung mga kasama namin. at yun nga, ngarag-ngaragan dahil sa inihabol na shoot na (maiwan na kami ng eroplano pero DAPAT kong makunan! God... ayoko nang mabembang na naman ng EP namin noh! lolz). tapos may isang tao pa na apat na araw anng hindi ako kinakausap! naman... naman...

hay... sana yung susunod na trip namin eh hindi na katulad nitong huling dalawa. sayang naman ang byahe kapag hindi nae-enjoy....

*****

Word for the day:

mabembang - ma-chaka, mapagalitan, mapintasan, masermunan, masabunan, at lahat na ng nega!

Share Ko Lang...

Sex actually relieves headaches. A lovemaking session can release the tension that restricts blood vessels in the brain. >>>> hmm... ito yata kailangan ko nung mga nagdaang araw...

Smile ka naman dyan!

"Let's give them a big hand of applause."

BADtrip

Finally… nagkaroon din ako ng time para magpost dito. Ang tagal ko ring nawala dahil kelangan sa mga out-of-towns ko. Kailangan ko kasing mag-advance ng stories dahil aalis si Xtian para magbakasyon sa US. Wala naman masyadong nangyari na kakaiba o exciting. Pagod nga lang at sakit ang nakuha ko. Hay.

October 16, Saturday

** Pagdating namin sa sea port ng Iloilo (we had to land at Iloilo muna papuntang Bacolod dahil wala ng available na tickets for Bacolod sa Cebu Pacific eh Cebu pacific kasi ang barter namin sa office), hindi kami nakasakay agad ng ferry dahil naubusan na kami ng tickets for the departure time na gusto namin. So tumunganga muna kami dun for ilang minutes. Buti na lang, may anghel na bumulong sakin na pumunta dun sa isa pang shipping line. At salamat kay Lord dahil may mas maagang boarding time kaming naabutan (thanks Weesam Express!).

***Pero syempre, late na late na kami sa appointment namin dun sa unang location ng shoot. Hindi na kami nagkaroon ng time na magpahinga man lang bago magshoot.

**1st stop: Victor Fernandez Gaston Ancestral House sa Silay City – ayun… tumingin ng mga kung anik-anik na antik

**2nd stop: El Ideal Bakery – oldest bakery sa Silay City at kilala sa paggawa ng Guapple pie.

**3rd stop: Bernardino Jalandoni Ancestral House sa Silay – bumili ako ng bracelet para sa sarili ko tsaka para panregalo

**Nagdinner kami sa BOB’s Restaurant sa Bacolod City – da best ang pagkain! Try their spare ribs… yum... yum… sarap din nung punch chorva nila. Noon lang ako natuwa sa buong araw na yun.

Balay Negrense

October 17, Sunday

**Nagpunta kami sa isang dog show na isasama ko dapat sa segment namin ng Masskara Festival… yung mga inaasahan kong mga aso na naka-mask, wala. Sheesh… nasayang din yung buong umaga naming tinunganga dun.

**Masskara Festival – ok lang… enjoy kahit papaano. Pero hindi ako masyadong na-amaze. Piktyur-piktyur na lang… kakainis pa yung mga fans (ko… hehehehe…) na dinudumog si Xtian. Hindi tuloy kami makapagshoot nang dire-diretso. Pero ganun talaga. Nabubuhay ang artista dahil sa mga fans kaya kelangan maging nice.

**Nagdinner kami sa Aboy’s Restaurant – ok lang din. Sumakit tiyan ko sa sobrang kabusugan. Nagbawi ata ng kinain sa sobrang kapaguran sa buong maghapon.

Silip sa Masskara

October 18, Monday

**Bacolod Chicken House – shoot dito at nakalibre ng lunch. hay... sarap ng inasal… hmmm…

**Bongbong’s Piaya factory – shoot din at libreng tikim-tikim ng freshly-cooked piaya at iba pa nilang delicacies. Da best pala ang piaya kapag mainit. Namili na rin ng pasalubong after. Nabutas ang bulsa ko. As if may mabubutas. Hehe.

October 19, Tuesday

**Nagshoot kami sa Pana-ad Park dahil hindi natuloy yung dapat eh shoot namin sa La Carlota Sugarcane field. Dapat eh sasakay kami sa steam engine na ginagamit sa mga sugarcane field pero dahil hindi na-coordinate nang maayos ang shoot, nauwi kami sa steam engine na hindi umaandar sa park. Dang! And this incident will ruin everything…

**Nagshoot din kami sa San Sebastian Cathedral, ang center ng religious life sa Bacolod.

pakyut ever! ;p at Pana-ad Park... at the back is one of the steam engines used in La Carlota sugarcane field

**Then, muwi na…

Mukha bakong nag-enjoy?

Oh well… ang sarap sana ng buhay ko dahil I get to travel to different places nang libre. Yun nga lang, trabaho ang byahe. Ok lang din sana, yun nga lang ulit, sa sobrang pagod mo at pag-iisip sa shoot nyo, hindi mo na maiisip na mag-enjoy pa o I-enjoy nang todo ang trip. Sino bang mag-eenjoy nang nastre-stress???

******

Word for the day:

Piaya – a round, flaky pastry with molasses-like sweet filling

Songs for the day:

1. Don't Let Me Be The Last To Know (in Tagalog - Huwag Mo Akong Gawing Tanga)2. You Should Know By Now (in Tagalog - Alam Mo Na Dapat Ngayon Yan, Tanga!)

Share Ko Lang…

People leave you because they are not joined to you. And if they are not joined to you, you can't make them stay. Let them go.

back!!!

back... namiss ko tong blog ko. sigh... post ako bukas na lang. sooobrang pagod ako sa byahe. kakadating ko lang from Bacolod last Tuesday, pumunta naman akong Dumaguete at Bais nung Thursday. at kakabalik ko lang nga ngayon. hindi pa maganda ang pakiramdam ko. sheesh. nasusuka ako at nilalagnat. sana bukas, ok nako...

angsts

brreeeaaaakkkkk!!!!!!

oh yeah.. i need a damn break. kanina pako tensiyonado dahil sa trabaho. tapos may makikita pa akong sore to my eyes (and to my heart? ha-ha *sarcastic laugh*) let us just call her.. hmmm.. Biatch.. tama, BIATCH. fits her *evil grin* dito ko na lang ibubuhos ang tension, kaba, inis, asar, galit, sama ng loob at heartache (*ubo ubo*) ko. ehem... said i needed a break kaya eto magba-blog na muna kahit hindi ko pa nasisimulan ang treatment ko para sa LIMA, yes L-I-M-Ang stories na dapat kong gawin sa Bacolod.

hay... sana lang maenjoy ko ang trip ko sa Bacolod at ang Masskara festival. sayang naman kung hindi, apat na araw pa naman kami dun. tensiyonado lang ako kasi lima nga ang dapat kong gawing stories for four days! imagine! nung nag-Palawan nga kami, three days kami dun para sa dalawang stories eh tapos ngayon four days para sa lima?! ano ako? diyosa? madyikera?? hmmm pero kaya ko 'toh! *nagpapalakas ng loob*

tapos, pagbalik ko dito sa Tuesday, 2 storya ang dapat kong isulat for our airing on Saturday! ugh.. Wednesday eh cut to cut editing na namin. so gudlak sakin dahil walang tulugan ito pagbalik ko ng Tuesday.

nagsisimula na ang aking mga sleepless nights (sana sleepless ni Seattle, hehehe *wide grin*)...

***

as for Biatch, i just wish na maglaho na sya nang parang bula. nagugulo ang mundo ko kapag nakikita ko sya. i just hate her. sooooooooo HATE her!!! and i'll be hating her until my next next next next next next (to the infinity) lifetime. sana lang hindi ako maging ipis sa susunod na lifetime ko dahil sa sobra kong sama ko na ata lol sabi ko dati, kung ang Diyos kayang magpatawad, mas lalo na dapat tayong tao lang. at masama na nagkikimkim ng sama ng loob. DAPAT marunong tayong magpatawad. PERO ngayon, binabawi ko na. nakatagpo na ata ako ng taong HINDING-HINDI ko mapapatawad mapunta man ang US dito sa Pilipinas.

***

ang hirap pa nito, yung taong may kasalanan sayo, feeling nya ata, wala syang kasalanan sayo. pakshet. pakshet. PAKSHEEEEYYYYT!!!

but i think kahit papano, alam nya ang kasalanan nya. she couldn't face me. hindi makatingin sakin nang diretso. laging parang dagang may iniiwasang pusa.

hah! magdusa sya habambuhay! iwasan nyako hanggang maumpog sya sa pader at mahulog sa hagdan sa kakaiwas... i wish her ALL the love in the world. sana happy siya (sila) na may isang taong nagdurusa ngayon. magpakalunod na sila sa thought na apektado pa rin ako at nagagawa pa rin "niya" (not Biatch) akong saktan.

nga pala, malapit nang matapos ang pagdurusang yun.

***

at least ako, totoo ngipin ko. hindi PUSTISO *sour graping* mwahahahahaha!!!

***

antagal ko din bago naayos ang colors ng blog ko. ang hirap talaga ng walang masyadong alam sa mga computers. naturingan pa naman graduate ng science higsh school at ng pinakapremyadong unibersidad sa bansa (with flying colors *ehem ehem* [yabang ko! hahahahahahahahaha!!!]), tapos eh dinosaur ako pagdating sa mga ganitong bagay. err.... tao lang po. hmm... hindi pa rin masyadong maayos tong blog. pagbalik ko galing Bacolod, aayusin ko na ulit. matagal na naman pala bago ako makakapagpost.

again... again...

oh well... this is my third attempt to start a blog. i made one before dito sa blogger but after two posts, hindi ko na namaintain. i also made an account sa isa pang blog site pero hanggang account lang sya. bakit nga ba hindi ko mapag-ukulan ng time ang pagba-blog? noon pa man, hilig ko na ang magsulat. i was *eherm-eherm* editor-in-chief of our Filipino school paper nung higschool. i used to write poems and essays kapag mejo tinotopak. pangarap ko nga din makapag-publish ng sarili kong libro na sort of collection ng mga tula, maiikling kuwento, sanaysay, atbp na isinulat ko.

pero bakit nga ba hindi ko mapag-ukulan ng panahon ang pagsusulat?

lagi ko na lang excuse ang pagiging busy sa trabaho at ang kawalan ng inspirasyon. waaaaa!!! ok, ok... talagang tamad lang ako at kulang sa disiplina. at sige na, sa inspirasyon na rin.

hopefully, this time ay mabigyan ko na ng sapat na panahon ang blog na ito. tutal ay mas hawak ko na ang schedule ko ngayong nasa bagong programa nako (at mas mataas na posisyon ^_^ yipee!!!). at tutal, meron nakong inspirasyon -- ang mga hinanakit ko sa buhay! at ang sandamakmak na problemang pinagdaanan ko, lalo na ngayong taon *loughing out loud*

ayun... i just hope mag-enjoy ang mga mabubuting loob na mapapadaan dito at totopaking magbasa ng mga entries ko. sana ay may mapulot din silang aral *crossingMyFingers*